ஜூலை 19–ந்தேதி வரை தமிழக சட்டசபை கூட்டம்: சபாநாயகர் அறிவிப்பு
தமிழக சட்டசபை வரும் 14ம் தேதி துவங்கி அடுத்த மாதம் 19ம் தேதி வரை நடைபெறும் என்று சபாநாயகர் ப.தனபால் தெரிவித்தார்.
தமிழக சட்டசபை கூட்டத் தொடர் ஜூன் 14ம் தேதி துவங்கும் என்று கடந்த வாரம் அறிவிக்கப்பட்டது. அதனை தொடர்ந்து தமிழக சட்டசபை கூட்டத்தை எத்தனை நாட்கள் நடத்துவது என்பது தொடர்பாக முடிவு செய்ய அலுவல் ஆய்வுக் குழுக் கூட்டம் சபாநாயகர் ப. தனபால் தலைமையில் இன்று காலை தலைமைச் செயலகத்தில் நடைபெற்றது.
இந்த கூட்டத்தில் முதலமைச்சர் எடப்பாடி பழனிசாமி, அமைச்சர் செங்கோட்டையன் மற்றும் எதிர்கட்சித் தலைவர் ஸ்டாலின் உள்ளிட்டவர்கள் கலந்து கொண்டனர். கூட்டத்தின் முடிவில் சபாநாயகர் தனபால் செய்தியாளர்களை சந்தித்தார்.
24 நாட்கள்
அப்பொழுது அவர் கூறியதாவது:–
தமிழக சட்டசபை கூட்டம் வரும் 14ம் தேதி முதல் அடுத்த மாதம் (ஜூலை) 19ம் தேதி வரை நடத்துவது என்று அலுவல் ஆய்வுக் குழு கூடி முடிவு செய்துள்ளது.
விடுப்பு நாட்கள் நீங்கலாக மொத்தம் 24 நாட்கள் சட்டசபை கூட்டம் நடைபெறும்.
இந்த நாட்களில் துறை ரீதியான மானியக் கோரிகைகள் சமர்ப்பிக்கப்பட்டு அதன் மீதான விவாதம் நடைபெறும். இவற்றின் நடுவே ஜி.எஸ்.டி உள்ளிட்ட மசோதாக்களும் நிறைவேற்றப்படும். சில வெட்டுத் தீர்மானங்களும் எடுத்துக் கொள்ளப்படும் .இது பற்றிய விபரங்கள் உறுப்பினர்களுக்கு முறையாக தெரிவிக்கப்படும். ஒவ்வொரு நாளும் காலை 10 மணிக்கு அவை கூடும். தினமும் கேள்வி நேரம் இடம்பெறும்.
அடுத்த மாதம் 6 மற்றும் 7ம் தேதிகளில் காவல் மற்றும் தீயணைப்புத்துறை விவாதம் நடைபெறும் என்றும், இதற்கு 10ம் தேதி முதலமைச்சர் பதிலளிப்பார் என்றும் சபாநாயகர் குறிப்பிட்டார். மேலும், எந்தெந்த நாட்களில் எந்தத்துறைகள் மீது விவாதம் நடைபெறும் என்பதையும் சபாநாயகர் விவரித்தார்.
14–ந்தேதி (புதன்) – வனத்துறை, சுற்றுச்சூழல் துறை,
15–ந்தேதி (வியாழன்) – பள்ளிக் கல்வித்துறை, இளைஞர் நலன் மற்றும் மேம்பாட்டுத்துறை, உயர்கல்வித் துறை
16–ந்தேதி (வெள்ளி) – கூட்டுறவு உணவு மற்றும் நுகர்வோர் பாதுகாப்பு துறை
17–ந்தேதி (சனி) – அரசு விடுமுறை
18–ந்தேதி (ஞாயிறு) – அரசு விடுமுறை
19–ந்தேதி (திங்கள்) – எரிசக்தித்துறை, மதுவிலக்கு மற்றும் ஆயத்தீர்வை துறை
20–ந்தேதி (செவ்வாய்) மற்றும் 21–ந்தேதி (புதன்) – நகராட்சி நிர்வாகம் மற்றும் குடிநீர் வழங்கல் துறை, ஊரக வளர்ச்சி மற்றும் ஊராட்சித்துறை, சிறப்புத் திட்ட செயலாக்கத்துறை
22–ந்தேதி (வியாழன்) – நீதி நிர்வாகம், சிறைச்சாலைகள், சட்டத்துறை, சுற்றுலா – கலை மற்றும் பண்பாடு துறை
23–ந்தேதி (வெள்ளி) – தொழில்துறை, குறு, சிறு மற்றும் நடுத்தரத் தொழில் நிறுவனங்கள் துறை,
24–ந்தேதி (சனி) – சமூக நலம் மற்றும் சத்துணவுத் திட்டத்துறை, மாற்றுத் திறனாளிகள் நலத்துறை
25–ந்தேதி (ஞாயிறு) – அரசு விடுமுறை
26–ந்தேதி (திங்கள்) – ரம்ஜான்; அரசு விடுமுறை
27–ந்தேதி (செவ்வாய்) – பேரவை கூட்டம் இல்லை
28–ந்தேதி (புதன்) – நெஞ்சாலைகள் மற்றும் சிறு துறைமுகங்கள் துறை
29–ந்தேதி (வியாழன்) – கைத்தறி மற்றும் துணிநூல் துறை, கதர், கிராமத் தொழில்கள் மற்றும் கைவினைப் பொருட்கள் துறை
30–ந்தேதி (வௌ்ளி) – பேரவை கூட்டம் இல்லை
ஜூலை 1–ந்தேதி (சனி) – அரசு விடுமுறை
2–ந்தேதி (ஞாயிறு) – அரசு விடுமுறை
3–ந்தேதி (திங்கள்) – வீட்டு வசதி மற்றும் நகர்ப்புற வளர்ச்சித்துறை, தகவல் தொழில்நுட்பவியல் துறை
4–ந்தேதி (செவ்வாய்) – மக்கள் நல்வாழ்வு மற்றும் குடும்ப நலத்துறை
5–ந்தேதி (புதன்) – வேளாண்மைத் துறை
6–ந்தேதி (வியாழன்) மற்றும் 7–ந்தேதி (வௌ்ளி) – காவல் துறை, தீயணைப்பு மற்றும் மீட்புத் பணிகள் துறை
8–ந்தேதி (சனி) – அரசு விடுமுறை
9–ந்தேதி (ஞாயிறு) – அரசு விடுமுறை
10–ந்தேதி (திங்கள்) – காவல்துறை, தீயணைப்பு மற்றும் மீட்புப் பணிகள் துறை – பதிலுரை, வருவாய்த் துறை, இயற்கை சீற்றங்கள் குறித்த துயர்தணிப்பு
11–ந்தேதி (செவ்வாய்) – மீன் வளத்துறை, பால் வளம், கால்நடை பராமரிப்புத்துறை
12–ந்தேதி (புதன்) – வணிக வரி மற்றும் பதிவுத்துறை, முத்திரைத்தாள்கள் மற்றும் பத்திரப் பதிவு
13–ந்தேதி (வியாழன்) – தொழிலாளர் மற்றும் வேலைவாய்ப்புத்துறை, பிற்படுத்தப்பட்டோர், மிகவும் பிற்படுத்தப்பட்டோர் மற்றும் சிறுபான்மையினர் நலத்துறை
14–ந்தேதி (வெள்ளி) – செய்தி மற்றும் விளம்பரத்துறை, எழுதுபொருள் மற்றும் அச்சு, தமிழ் வளர்ச்சி, இந்து சமய அறநிலையத்துறை
15–ந்தேதி (சனி) – அரசு விடுமுறை
16–ந்தேதி (ஞாயிறு) – அரசு விடுமுறை
17–ந்தேதி ( திங்கள்) – இயக்கூர்திகள் குறித்த சட்டங்கள் – நிர்வாகம், போக்குவரத்துத் துறை
18–ந்தேதி (செவ்வாய்) – ஆதிதிராவிடர் மற்றும் பழங்குடியினர் நலத்துறை
19–ந்தேதி (புதன்) – பொதுத் துறை, மாநிலச் சட்டமன்றம், ஆளுநர் மற்றும் அமைச்சரவை, நிதித்துறை, பணியாளர் மற்றும் நிருவாகச் சீர்திருத்தத் துறை, திட்டம், வளர்ச்சி மற்றும் சிறப்பு முயற்சிகள் துறை, ஓய்வூதியங்களும், ஏனைய ஓய்வுக்கால நன்மைகளும், அரசினர் சட்டமன்ற வடிவுகள் – ஆய்வு செய்தலும், நிறைவேற்றுதலும் ஏனைய அரசினர் அலுவல்கள்.
இவ்வாறு சபாநாயகர் தனபால் கூறினார்.
சட்டசபையில் முன்னாள் முதல்வர் ஜெயலலிதா படம் திறப்பது தொடர்பான கேள்விக்கு, முதல்வர் வேண்டுகோள் வைத்தபடி, பிரதமரிடம் இருந்து தேதி கிடைத்தவுடன் அது பற்றி முடிவு செய்யப்படும் என்று தனபால் தெரிவித்தார்.
