மக்களுக்கு நம்பிக்கை விதையை மட்டும் விதையுங்கள் திமுக தலைவர் ஸ்டாலினுக்கு அமைச்சர் மாஃபா பாண்டியராஜன் கோரிக்கை

 

 

நம்பிக்கை விதையை மட்டும் விதையுங்கள்

திமுக தலைவர் ஸ்டாலினுக்கு அமைச்சர் மாஃபா பாண்டியராஜன் கோரிக்கை

சென்னை, ஜூன்,26

சென்னை தண்டையார்பேட்டை மண்டலத்திற்குட்பட்ட கொடுங்கையூர் பகுதியில் உள்ள கொரோனா தடுப்பு மையங்களில் பணியாற்றும் பணியாளர்களுக்கு ஆலோசனைகளை
அமைச்சர் மாஃபா பாண்டியராஜன் வழங்கினார். அப்போது நடைபெற்ற செய்தியாளர்கள் சந்திப்பில் அவர் கூறியதாவது,

தண்டையார்பேட்டை மண்டலத்தில் 18 வது நாளாக கொரோனா எதிர்ப்பு பணிகள். நடைபெற்று வருகிறது. இதுவரை 3 ஆயிரம் பணியாளர்கள் களத்தில் பணியாற்றி வருகின்றனர்.

நேற்று முன்தினம் 757 பேரும், நேற்று 89 பேரும் சிகிச்சை முடிந்து வீடு திரும்பியுள்ளனர். தற்போது 1986 பேர் மட்டுமே சிகிச்சை பெற்று வருகின்றனர். தற்போது தொற்று பரவும் விகதம் தண்டையார்பேட்டை மண்டலத்தில் 0.98 சதவிகிதமாக உள்ளது. சென்னையில் மேலும் 3 மண்டலங்களிலும் கொரோனா பரவும் விகிதம் 1 சதவிகதத்திற்கும் குறைவாக உள்ளது.

கிருமி நாசினி தெளிக்கும் பணியில் இரண்டு மடங்கு ஊரடங்கு ஊழியர்கள் தற்போது பணியாற்றி வருகின்றனர்.

2200 ஊழியர்கள் அனைவரும் எளிதில் தொடர்பு கொள்ளும் வகையில் வாட்ஸ் அப் குழு அமைக்கப்பட்டுள்ளது.

ஊரடங்கை அமல்படுத்துவதில் காவல் துறை சிறப்பாக செயல்பட்டு வருகிறது. குறிப்பாக கொரோனா தடுப்பு பணியில் ஈடுபடும் ஊழியர்களுக்கு தகுந்த பாதுகாப்பு காவல் துறையில் அளிக்கப்பட்டு வருகிறது.

மும்பை, டெல்லியை ஒப்பிடும்போது சென்னையில் பரவல் குறைவாகவே உள்ளது. மக்களுக்கும் தேவையான விழிப்புணர்வு கிடைத்துள்ளது. கொரோனாவை அரசு கட்டுப்படுத்தும் என்ற நம்பிக்கை தற்போது மக்கள் மனதில் ஏற்பட்டுள்ளது. பரிசோதனை முதல் சிகிச்சை வரை அனைத்து கட்டமைப்புகளும் இங்கு சிறப்பாக இருப்பதால் மக்கள் பயம் இல்லாமல் இருக்கலாம்.

கிண்டி, ஆவடி, அம்பத்தூர் பகுதிகளில் உள்ள தொழிற்சாலைகளை முழுமையாக இயக்க தமிழக முதல்வர் விரைவில் நடவடிக்கை எடுப்பார்.

கடந்த 18 நாட்களில் மேற்கொண்ட நடவடிக்கையால் முதல் இடத்தில் இருந்த தண்டையார்பேட்டை மண்டலம் தற்போது 5 ஆவது இடத்திற்கு வந்துள்ளது.

ஊரடங்கு நீட்டிக்கப்படுவது தொடர்பாக அமைச்சர்கள் ஆலோசனை கூட்டம் நடத்தியும், மருத்துவ வல்லுநர்களின் ஆலோசனைகளை கேட்டும் தமிழக முதல்வர் முடிவெடுப்பார்.

முதல்வரின் விசாலமான நடவடிக்கையால் மக்கள் மனதில் இடம் பெற்றுள்ளார்.

கொரோனா தடுப்பு நடவடிக்கையில் தெளிந்த சிந்தனையுடன் தமிழக அரசு செயல்பட்டு வருகிறது.

ஸ்டாலினின் அவதூறு தகவல்களை வைத்து குழுப்பத்தை ஏற்படுத்த வேண்டாம். தமிழகத்தில் முழுமையான கட்டுக்குள் வரும்.

தண்டையார்பேட்டை மண்டலங்களில் பணியாற்றும் பணியாளர்களுக்கு பொதுமக்களின் அவசர மருத்துவ தேவைக்கு என்னையே பணியாளர்கள் தொடர்பு கொள்ள நடவடிக்கை எடுக்கப்பட்டுள்ளது.

அவதூறை தொடர்ந்து ஸ்டாலின் பரப்புவதால் பொதுமக்களிடையே தேவையற்ற அச்சம் எழுந்துள்ளது.

தேவையற்ற வதந்திகளை பரப்பாமல் சம்பந்தப்பட்ட சட்டமன்ற உறுப்பினரையும், நாடாளுமன்ற உறுப்பினரையும் கொரோனா பணியாளர்களுடன் பணியாற்ற உத்தரவிடுங்கள். அவர்கள் வந்து பணியாற்றுவதால் எங்களுக்கு எந்த காழ்ப்புணர்ச்சியும் இல்லை.

பரிசோதனை அதிகரிப்பதால் கொரோனா தொற்று உறுதி செய்யப்படுபவர்கள் எண்ணிக்கை அதிகமாகும். அதே வேளையில் குணமடைந்து செல்பவர்களின் எண்ணிக்கையும் அதிகமாக உள்ளது.

நம்பிக்கை விதையை மட்டுமே மக்களிடையே விதைக்குமாறு ஸ்டாலினை கேட்டு கொள்கிறேன் என அவர் தெரிவித்தார்.

இதில் அதிமுக வடசென்னை மாவட்ட செயலாளர் ஆர்.எஸ்.ராஜேஷ், கொரோனா தடுப்பு அதிகாரி மல்லிகா ஐபிஎஸ், புளிந்தோப்பு காவல் துறை துணை ஆணையாளர் ராஜேஷ் கண்ணா ஆகியோர் உட்பட பலர் இருந்தனர்.

தண்டையார்பேட்டையில் உள்ள மண்டல அலுவலகத்தில் தமிழ் வளர்ச்சித் துறை அமைச்சர் மாஃபா பாண்டியராஜன் ஆய்வு

 

 

 

சென்னை தண்டையார்பேட்டையில் உள்ள மண்டல அலுவலகத்தில் தமிழ் வளர்ச்சித் துறை அமைச்சர் மாஃபா பாண்டியராஜன் ஆய்வு மேற்கொண்டார் பின்னர் செய்தியாளர்களை சந்தித்த அமைச்சர் பாண்டியராஜன்

கொரோனா தொற்று அறிகுறிகள் தென்பட்டால் முதல் ஐந்து நாட்களுக்கு அருகில் உள்ள மருத்துவமனைகளில் சோதனை செய்துகொள்ள மக்கள் முன்வரவேண்டும்

நோய் அறிகுறிகள் தென்பட்டு முதல் 5 நாட்களுக்குள் சோதனைகள் செய்து சிகிச்சை எடுத்துக்கொண்டால் 100% குணப்படுத்தி விடலாம்

நோய் தொற்று அறிகுறிகள் ஏற்பட்டு கடைசி ஐந்து நாட்களில் வந்தால் இறப்பு விகிதம் அதிகமாகிறது

கேரளாவில் எதிர்க்கட்சிகள் ஒத்துழைத்தால் தான் கரீனா குறைந்துள்ளது
அதேபோல் தமிழகத்திலும் எதிர்க்கட்சிகள் அரசுக்கு ஒத்துழைக்க வேண்டும்

பேரிடர் காலத்திலும் குடிமராமத்து பணிகள் வளர்ச்சி பணிகள் தொடர்ந்து நடைபெற்று வருவதால் அதை பொறுத்துக் கொள்ள முடியாத ஸ்டாலின் காழ்ப்புணர்ச்சியுடன் செயல்பட்டு வருகிறார்

மேலும் ஸ்டாலின் வெறும் அறிக்கை மட்டும் வெளியிடாமல் பேரிடர் காலத்தில் அரசுடன் தோள் கொடுக்க வேண்டும் அதைத்தான் மக்களும் விரும்புவார்கள் என்று அமைச்சர் பாண்டியராஜன் தெரிவித்தார்

கொரனோ நிவாரணம் தொகை மக்களின் வீடுகளுக்கு சென்று தான் வழங்க வேண்டும்…இல்லை என்றால் ஊழியர்கள் மீது கடும் நடவடிக்கைகள் எடுக்கப்படும்

கொரனோ நிவாரணம் தொகை மக்களின் வீடுகளுக்கு சென்று தான் வழங்க வேண்டும்…இல்லை என்றால் ஊழியர்கள் மீது கடும் நடவடிக்கைகள் எடுக்கப்படும் என உணவு துறை அமைச்சர் காமராஜ் தெரிவித்தார்

சென்னை கோடம்பாக்கம் மண்டலத்திற்கு உட்பட அசோக் நகரில் கொரனோ தடுப்பு பணிகளை உணவு துறை அமைச்சர் காமராஜ் பார்வையிட்டு மருத்துவ முகம் , பொதுமக்களுக்கு மாளிகை பொருட்கள் அடங்கிய தொகுப்பினை வழங்கினர் பின்னர் செய்தியாளர்களை சந்தித்த அமைச்சர் கூறியதாவது,

முதலமைச்சரின் உறுதிமிக்க நடவடிக்கையினால் நாள்தோறும் கொரோனா தொற்றால் பாதிக்கப்பட்டு சிகிச்சை பெற்று வந்தவர்கள் பூரண குணமடைந்து வீடு திரும்புவாரின் எண்ணிக்கை அதிகரித்துள்ளது.

கொரனோ வைரஸால் பாதிக்கப்பட்டவர்களின் எண்ணிக்கை இரட்டிப்பாகவில்லை. வீடு திரும்பவோரின் எண்ணிக்கை தான் கூடுதலாகி வருகிறது. இறப்பு விகிதம் அதே அளவில்தான் நின்றுகொண்டிருக்கிறது.

உலக அளவில் தமிழகத்தில் தான் இறப்பு விகிதம் குறைவாக உள்ளது.

சென்னை மாநகராட்சியில் மொத்தமுள்ள 37000 தெருக்களில் 7300 தெருக்களில் மட்டும் தான் பாதிப்பு உள்ளது. எனவே சென்னை மாநகராட்சி முழுவதும் கொரோனா தொற்று உள்ளதாக பரவிவரும் புரளிகளை நம்ப வேண்டாம்.

வீடு வீடாக சென்று ஆயிரம் ரூபாய் கொடுக்கும் பணி நேற்று வரை 56.08 சதவீதமாக இருந்தது. இன்றைக்கும் இந்த பணி தொடர்ந்து கொண்டே இருக்கிறது. 70% கொடுத்து முடித்ததாகிவிடும் என்று நம்புகிறோம்.

கொரனோ நிவாரணம் தொகை மக்களின் வீடுகளுக்கு சென்று தான் வழங்க வேண்டும்…இல்லை என்றால் ஊழியர்கள் மீது நடவடிக்கைகள் எடுக்கப்படும் என தெரிவித்தார்.

ரேஷன் கடைகளின் மூலம் ஆயிரம் ரூபாய் பணம் வீடு வீடாக சென்று கொடுப்பதற்காக போதுமான ஊழியர்கள் நியமிக்கப்பட்டு இருக்கிறார்கள். அதற்கு எந்தவித தட்டுப்பாடும் இல்லை.

சாத்தங்குளத்தில் உயிரிழப்பு ஏற்பட்டது தொடர்பாக அரசு உரிய நடவடிக்கைகள் எடுக்கும்…அமைச்சர் ஆர்.பி உதயகுமார் பேட்டி

சாத்தங்குளத்தில் உயிரிழப்பு ஏற்பட்டது தொடர்பாக அரசு உரிய நடவடிக்கைகள் எடுக்கும்…அமைச்சர் ஆர்.பி உதயகுமார் பேட்டி

சென்னை புளியந்தோப்பில் குடிசை மாற்று வாரியத்தில் அமைக்கப்பட்டுள்ள கொரனா வார்டை அமைச்சர் ஆர்.பி. உதயகுமார் ஆய்வு செய்தார்

புளியந்தோப்புகுடிசை மாற்று வாரியத்தில் நோயாளிகளுக்கு அமைக்கப்பட்டுள்ள வசதிகளை பார்வையிட்ட அமைச்சர் காலை உணவை சுவைத்துப் பார்த்தார் மேலும் அங்கு செய்யப்பட்டுள்ள வசதிகளை அதிகாரிகளிடம் கேட்டறிந்தார் பின்னர் செய்தியாளர்களிடம் பேசிய அவர்

கொரனோ கட்டுக்குள் கொண்டு வர வேண்டும் என முதல்வர் அறிவுறுத்தி உள்ளார் அதற்கான ஆலோசனைகளையும் முதல்வர் வழங்கி வருகிறார்

திருவிக நகர் மண்டலம் சூப்பர் என பாராட்டும் அளவில் உள்ளது… முதலிடத்தில் இருந்த திருவிக நகர் தற்பொழுது சென்னையில் திருவிக நகர் 6வது இடத்தில் உள்ளது

நோயாளிகளை கண்டறிந்து மருத்துவ சிகிச்சை அளித்து வருகிறோம் மேலும் நோயாளிகளுடன் தொடர்புடையவர்களை அதிகாரிகள் சிறப்பாக கண்டறிந்து வருகிறார்கள் இதன் மூலமாக தொற்றிலிருந்து மிக விரைவாக மீண்டு வருகிறது

நோயாளிகளை தேடி உணவுகள் சென்று சேர்க்கப்படுகிறது சிறப்பான உணவும் வழங்கப்படுகிறது வீடுகளில் வழங்கப்படும் உணவுகளை விட சிறப்பான உணவு வழங்கப்படுகிறது

தொற்றிணை ஆரம்ப நிலையிலேயே கண்டறிய அதிக கவனம் செலுத்தி வருகிறோம்

நோயாளிக்கு கொடுக்கப்படும் உணவினை சாப்பிட்டு பார்த்தோம் சுவையாக உள்ளது

1400படுகைகள் இந்த இடத்தில் அமைக்கப்பட்டுள்ளது

சென்னை கீழ்ப்பாக்கம் ராஜீவ்காந்தி மருத்துவமனை உள்ளிட்ட 4மருத்துவ கல்லூரியின் மேற்பார்வையில் இந்த இடம் கண்காணிக்கப்பட்டு வருகிறது.

எந்த ஒரு பேரிடரையும் எதிர்கொண்டு தான் ஆக வேண்டும்..இதற்கு முதலில் தேவை நம்பிக்கை தான்…இதன் மூலம் தான் வெற்றி பெற வேண்டும்

இந்த தொடருக்கான நெறிமுறைகள் முன்பு இருந்ததில்லை தற்போதுதான் மருத்துவர்கள் மூலம் நெறிமுறைகள் வகுக்கப்பட்டு வருகின்றன

எனவே குற்றம் சொல்லுபவர்கள் தொற்று பரவல் குறைந்த பின்பு இது பற்றின விவாதத்தை வைத்துக்கொள்ளலாம் தேவையின்றி கருத்துகள் கூறும் பொழுது மக்கள் மனதில் தேவையற்ற அச்சம் ஏற்படுகிறது

சாத்தான்குளம் விவகாரம் பொறுத்தவரையில் விசாரணை நடைபெற்று வருகிறது விசாரணைக்கு பின்பு முதல்வர் உரிய நடவடிக்கை எடுப்பார்

2லட்சத்து 15 ஆயிரம் முக கவசம் இந்த மண்டலத்தில் இதுவரை வழங்கப்பட்டுள்ளது, கபசுர குடிநீர் வழங்கி வருகிறது.

2லட்சத்து 15 ஆயிரம் முக கவசம் இந்த மண்டலத்தில் இதுவரை வழங்கப்பட்டுள்ளது, கபசுர குடிநீர் வழங்கி வருகிறது.

இரு கல்லூரி 300 படுக்கை தயார் நிலைநில் உள்ளது.

இதுவரை நடவடிக்கை குறித்தும், இனி எடுக்கபட உள்ள நடவடிக்கை குறித்தும் ஆலோசிக்கபட்டது

கொரோனா தடுப்பு குறித்த ஆய்வு கூட்டம் மண்டலம் 11ல் இன்று நடைபெற்றது.

235 மருத்துவ முகாம் இதுவரை நடைபெற்றுள்ளது

கொரோனா பரவல் சென்னையை தவிர மற்ற பகுதிகளில் கட்டுக்குள் உள்ளது.

இதனை கட்டுக்குள் கொண்டு வர தான் ஊரடங்கு உத்தரவு பிறக்கப்பட்டுள்ளது.

ஊரடங்கு மட்முமில்லாமல் மக்களிடையே விழிப்புணர்வு வேண்டும்

12 நாள் முழு ஊரடங்கை முழுமையாக செயல்படுத்திட நடவடிக்கை எடுக்கப்பட்டுள்ளது.

குறைந்த அளவிலான தெருக்களை செக் போஸ்ட் அமைத்து காவல் துறையினர் கண்காணிக்க வேண்டும்.

12 நாட்களும் முழு ஊரடங்கை முழுமையாக தீவிரமாக கடைபிடித்து கொரோனா பரவலை கட்டுக்குள் கொண்டுவர ஒத்துழைப்பு அளிக்க வேண்டும்

இருசக்கர்வகானங்களில் சுற்றுவதை குறைக்க வேண்டும்

ஊரடங்கை முறையாக செயல்படுத்துவது குறித்து எதிர்கட்சி தலைவர் கூறியுள்ள கருத்துக்கு அவருக்கு இது போல சொல்வதற்கு நன்றாக இருக்கும்.

அத்தியாவசிய தேவை என ஒன்று உண்டு.

12 நாளுக்கு தேவைநான பொருட்களை வாங்க போதிய அவகாசமுமர் வழங்கப்பட்டுள்ளது.

12 நாள் 144 தடை உத்தரவு கடுமையாக இருக்கும்.

ஒரு ஏரியாவில் ஒரு மளிகை கடை, பால் புத், மெடிக்கல் இருந்தால் அதனை லாக் செய்ய அறிவுரை வழங்கி உள்ளோம்

பேட்டி

போக்குவரத்து துறை அமைச்சர் எம்.ஆர்.விஜயபாஸ்கர்

வெளி நாடுகளில் தங்கியுள்ள இஸ்லாமியர்கள் சொந்த ஊருக்கு திரும்ப வேண்டும் என்றுஅப்துல் ரஹீம் கோரிக்கை

 

வெளிநாடுகளில் பணிபுரிந்து வரும் தமிழகத்தைச் சார்ந்த சார்ந்தவர்களை தாயகம் அழைத்து வர தமிழக அரசு நடவடிக்கை எடுக்க வேண்டும் என்று தமிழ்நாடு தவ்ஹீத் ஜமாத் கட்சியின் மாநில பொருளாளர் அப்துல் ரஹீம் கோரிக்கை விடுத்துள்ளார்.

சென்னை மண்ணடியில் செய்தியாளர்களை சந்தித்த அவர்,

தவ்ஹீத் ஜமாத் சார்பில் தமிழகம் முழுவதும் இணைய வழி ஆர்ப்பாட்டம் நடைபெற்றது. இதில் வெளி நாடுகளில் தங்கியுள்ள இஸ்லாமியர்கள் சொந்த ஊருக்கு திரும்ப வேண்டும் என மாநில/ மத்திய அரசை கோரிக்கை விடும்
இந்த ஆர்ப்பாட்டம் நடைபெற்றதாக கூறினார்.

வெளிநாடுகளில் பணிபுரிந்து வரும் தமிழகத்தை சேர்ந்தவர்கள் தற்போது பொருளை பரவி வரும் இந்த சூழலில் அகதிகளைப் போல வாழ்ந்து வருவதாகவும் பெரும் சிரமத்திற்கு உள்ளாகி உள்ளதாகவும் தெரிவித்த அவர் உடனடியாக அவர்களை தமிழக அரசு தாயகம் அழைத்துவர நடவடிக்கைகளை எடுக்க வேண்டும் என்று கேட்டுக் கொண்டார்.

மேலும் தமிழ்நாடு தவ்ஹீத் ஜமாத் சார்பாக தமிழகம் முழுவதும் 1 கோடி ரூபாய்க்கும் மேலாக நிவாரண உதவிகளை வழங்கி உள்ளதாகவும் கூறினார்.

அக்குபஞ்சர் முறையில் கொரனாவிற்கு எதிர்ப்பாற்றல் உருவாக்குவது தொடர்பாக செய்முறை

 

கொரனாவிற்கு எதிர்ப்பாற்றலை உருவாக்க முடியும் அக்குபஞ்சர் டாக்டர் எம் என் சங்கர்

சென்னை நந்தனம் ஒய்எம்சிஏ மைதானத்தில் நடைபெற்ற நிகழ்ச்சியில் அக்குபஞ்சர் முறையில் கொரனாவிற்கு எதிர்ப்பாற்றல் உருவாக்குவது தொடர்பாக செய்முறை விளக்கத்தினை டாக்டர் சங்கர் வழங்கினார் பின்னர் செய்தியாளர்களிடம் பேசிய அவர்

இந்தியர்கள் பொதுவாகவே எதிர்பாற்றல் மிக்கவர்கள் எனவே அவர்களுக்கு அக்குபஞ்சர் முறையில் எதிர்ப்பு சக்தியை தூண்டும் பொழுது கொரனாவிற்கு எதிரான சக்தியை பெறமுடியும்

இந்தியர்கள் அனைவரும் நாட்டுக்கோழியை போன்றவர்கள் எனவே அவர்களுக்கு இயற்கையிலேயே எதிர்ப்பு சக்தி அதிகமாக இருக்கிறது நமது பாரம்பரிய மருத்துவ முறைகளின் மூலமாகவே கொரணாவிற்கு சிகிச்சை அளிக்க முடியும் என்றார்

சென்னை நங்கநல்லூரில் புதிதாக கால் டாக்சி நிறுவனம்

 

நங்கநல்லூரில் புதிதாக கால் டாக்சி நிறுவனம் துவக்கப்பட்டது.கார்ஓட்டுநர் சங்கங்கள் கூட்டமைப்பின் சார்பில் கால் டாக்சி நிறுவனம் துவக்கப்பட்டது, ஓலா மற்றும் உபர் நிறுவனங்களால் மாபெரும் பாதிப்புக்கு உட்பட்டு உள்ள கார் ஓட்டுநர்கள் இணைந்து ABC call taxi நிறுவனம் தமிழகத்தில் புதிதாக துவக்கப்பட்டு சென்னை நங்கநல்லூரில் இயங்க படுகிறது என்று கார் ஓட்டுனர் கூட்டமைப்பு சங்கங்கள் தெரிவித்துள்ளனர்.ஓலா உபர் நிறுவனங்கள் இடம் கமிஷன் குறைவாக ஓட்டுனர்களுக்கு தருவதாகவும் இதற்கு பல்வேறு கோரிக்கைகள் போராட்டங்களும் நடத்தி எந்த பயனும் இல்லாததனால் வாடிக்கையாளர்களுக்கு நேரடி தொடர்பு உடன் ABC call taxi மூலம் கார் ஓட்டுனர்கள் பயன்படும் முடியும் என்ற எண்ணத்துடன் உரிமைக்குரல் ஓட்டுநர் தொழிற்சங்கம், அனைத்து ஓட்டுநர்கள் வாழ்வுரிமை தொழிற்சங்கம், தோழர்கள் கார் ஓட்டுநர் அமைப்புசாரா தொழிற்சங்கம், சிறகுகள் ஓட்டுநர் சங்கம், அக்னி சிறகுகள் ஓட்டுநர் நலச்சங்கம் மற்றும் பல சங்கங்கள் இணைந்து உருவாக்கப்பட்ட புதிய கால் டாக்ஸிக்கு மக்களின் ஆதரவு வேண்டும் என்று ABC call taxi நிறுவனம் தெரிவித்துள்ளனர்.

ABC.app.பதிவிறக்கம் செய்யவும்
தொடர்புக்கு 96000 03120

எல்&டியின் கனரக பொறியியல் [L&T Heavy Engineering] பிரிவானது உலகின் மிகப்பெரிய அணு இணைவு

எல்&டி, பிரான்ஸில் அமையவுள்ள உலகின் மிகப்பெரிய அணு இணைவு திட்டத்தில் நிறுவுவதற்காக பெரிய கிரையோஸ்டேட் தளத்தை உருவாக்கியுள்ளது!! 

 

சென்னை, ஜுன் 10, 2020: எல்&டியின் கனரக பொறியியல் [L&T Heavy Engineering] பிரிவானது உலகின் மிகப்பெரிய அணு இணைவு உலையின் மிகப்பெரிய பகுதியான [single largest section of the World’s Largest Nuclear Fusion Reactor] 1,250 மெகா டன் எடையுள்ள கிரையோஸ்டேட் தளத்தை [Cryostat base]உருவாக்கி, சமீபத்தில் பிரான்ஸில் உள்ள அணு உலை கட்டடத்துக்கு எடுத்துச் சென்று வெற்றிகரமாகப் பொருத்தியுள்ளது. இதன் மூலமாக, அணு பொறியியல் உலகில் மைல்கல்லை எட்டி சாதனை படைத்துள்ளது. 

பிரான்சின் தெற்கு பகுதியில் அமையவுள்ள உலை குழியில் கிரையோஸ்டேட் இணைப்பைத் தடையின்றி மேற்கொள்வதை உறுதிப்படுத்தும் வகையில், ஊரடங்கின்போது லார்சன் & டூப்ரோவின் கனரக பொறியியல் பிரிவு கிரையோஸ்டேட் இணைப்பு கருவிகளை எடுத்துச் சென்றது குறிப்பிடத்தக்கது. உலையின் வெற்றிடப் பகுதி மற்றும் மீக்கடத்தி காந்தங்களைச் சுற்றி, வெற்றிடமுள்ள இறுக்கமான கொள்கலனை இந்த கிரையோஸ்டேட் உருவாக்கும். அடிப்படையில், இது மிகப்பெரிய குளிர்சாதனமாக போன்று செயல்படும். 

இந்த உலைக்களமானது உலகின் மிகப்பெரிய எஃகு, உயர்-வெற்றிடம், கிரையோஸ்டேட் அழுத்த தனியறை உள்ளிட்ட கூறுகளைக் கொண்ட மிகப்பெரிய மற்றும் கனமான டோகாமாக்கினால் ஆனது. முடிவாக, உலையின் மீதமுள்ள பகுதிகளும் இதையே கொண்டிருக்கும்.

இது பற்றி சர்வதேச வெப்ப அணு பரிசோதனை உலை (ITER) அமைப்பின் பொது இயக்குனர் டாக்டர் பெர்னார்டு பிகட் (Dr Bernard Bigot, Director-General, ITER organization) பேசுகையில், “தற்போதுள்ள சிக்கலான சூழலுக்கு நடுவே உரிய நேரத்தில் கிரையோஸ்டேட் தள சீரமைப்புக் கருவிகளை கொண்டுவந்த சேர்த்தமைக்காக எல்&டிக்கு நன்றி தெரிவிக்கிறேன். இந்த கிரையோஸ்டேட் தளமானது 2015-ம் ஆண்டு முதல் எல்&டியால் அற்புதமாக உருவாக்கப்பட்டுள்ளது. 2025-ம் ஆண்டின் இறுதிக்குள் முடிந்தவரை முதல் பிளாஸ்மாவை உருவாக்கிடும் நோக்கத்தோடு பல்வேறு நடவடிக்கைகள் மேற்கொள்ளப்பட்டு வரும் நிலையில் ஐடிஈஆர் டோகாமாக் கட்டடத்தில் இதனை நிறுவுவது அவற்றுள் குறிப்பிடத்தக்க செயல்பாடாக அமைந்துள்ளது.  எல்&டி குழுவின் அசாதாரணமான அர்ப்பணிப்புமிக்க முயற்சிகளாலும், இந்திய அரசு அதிகாரிகளின் மதிப்புமிக்க ஆதரவினாலும் மட்டுமே கோவிட்-19 ஊரடங்கு காலத்திலும் இது சாத்தியமாகியுள்ளது. ஐடிஈஆரின் குறிக்கோள்களை எதிர்கொள்வதில் நம்பிக்கைக்குரிய கூட்டாளராக எப்போதும் எல்&டி திகழ்கிறது” என்று தெரிவித்தார். 

கிரையோஸ்டேட்டின் கீழ்பகுதி சிலிண்டர் 2019 மார்ச் மாதம் ஏற்கனவே எல்&டியால் அனுப்பப்பட்டது. 2020 மார்ச் மாதம் மேல்பகுதி சிலிண்டர் கொண்டு செல்லப்பட்டது. இறுதியாக, மேற்புற மூடிப் பகுதிகள் வரும் ஜூலை மாதம் ஹாஜிராவிலிருந்து அனுப்பப்படும். எல்&டி கனரக பொறியியல் திட்ட நோக்கமானது மூன்று பகுதிகளாகப் பிரிக்கப்பட்டது. முதலில் இந்த தயாரிப்பு குஜராத்தின் ஹாஜிராவிலுள்ள எல்&டி கிளையில் தனித்தனியாகப் பிரித்து உருவாக்கப்பட்டு, பிரான்ஸுக்கு அனுப்பப்பட்டது. அதன்பின், பிரான்ஸில் இத்திட்டம் செயல்படுத்தப்படவுள்ள பகுதியில் தற்காலிக பணிமனை அமைக்கப்பட்டு அங்கு கிரையோஸ்டேட் பகுதிகள் அனைத்தும் ஒன்றாக இணைத்து பெரிதாக்கப்பட்டது. மூன்றாவதாக, டோகாமாக் உலை கட்டிடத்தின் உள்ளே கொண்டுசெல்லப்பட்டு கிரையோஸ்டேட் ஒன்றிணைக்கப்பட்டது. 

இந்த மிகமுக்கியமான சாதனை குறித்து எல்&டி கனரக பொறியியலின் நிர்வாக துணைத்தலைவர் மற்றும் தலைமையான திரு.அனில் வி பாரப் (Mr Anil V Parab, Executive Vice President and Head, L&T Heavy Engineering) பேசுகையில், “எதிர்காலத்துக்கான சர்வதேசத் திட்டமொன்றில் முதன்முதலாக ஐடிஈஆர் இறங்கியுள்ளது. மிகப்பெரிய வெற்றிடக் கலனான கிரையோஸ்டேட் 29.4 மீட்டர் விட்டம் கொண்டதாக வடிவமைக்கப்பட்டுள்ளது. 29 மீட்டர் உயரமும் 3,850 மெகா டன் எடையும் கொண்டது. இது போன்ற கடினமான திட்டத்தில் வெற்றிகரமாகச் செயல்பட்டவிதம் எல்&டி கலாசாரத்தில் வேரூன்றியிருக்கிறது” என்றார். 

“உலக அளவில் உயர் தொழில்நுட்ப பரப்பில் இந்தியாவின் திறன்களை வெளிப்படுத்தியதற்காக, எல்&டி கனரக பொறியியலின் அணுக் குழுவின் சார்பாக பெருமைப்படுகிறோம். எல்&டியின் உலகத் தரத்திலான உற்பத்தி திறன் மற்றும் பலமான பாரம்பரியத்துக்கான சாட்சி இது” என்று தெரிவித்தார் அனில் பாரப். 

இந்த மதிப்புமிக்க ஒப்பந்தத்தை 2012இல் எல்&டி கனரகப் பொறியியல் பிரிவு வென்றது. இந்த லட்சியமிக்க மிகப்பெரிய அறிவியல் திட்டத்துக்கான இந்தியப் பிரதிநிதியாக அணுசக்தி துறையின் ஒரு பிரிவான ஐடிஈஆர் இந்தியா உள்ளது. 

பிரான்ஸின் கராகாஷ் பகுதியில் அமையும் 20 பில்லியன் டாலர் மதிப்புமிக்க இந்த சர்வதேச வெப்ப அணு பரிசோதனை உலை (ITER) திட்டத்திற்கு இந்தியா உட்பட 7 நாடுகள் நிதியளித்துள்ளன. உலகின் மிகப்பெரிய ஆய்வுத்திட்டங்களில் ஒன்றான இது, இணைப்புச் சக்தியின் அறிவியல் மற்றும் தொழில்நுட்பச் சாத்தியக்கூறுகள் குறித்து செயல் விளக்கம் பெறுவதற்காகச் செயல்படுத்தப்படுகிறது. 

எல்&டி கனரக பொறியியல் பிரிவானது நவீனமான, முழுக்க ஒன்றிணைந்த, உலகத்தரத்திலான உற்பத்தி வசதிகளை ஹாஜிரா (சூரத்), பொவாய் (மும்பை) மற்றும் வதோதராவில் கொண்டுள்ளது. உலகம் முழுக்கவிருக்கும் சுத்திகரிப்பு, எண்ணெய் மற்றும் வாயு, பெட்ரோகெமிக்கல்ஸ், உரங்கள், அணுசக்தி நிறுவனங்களுக்குத் தேவையான தொழில்நுட்பத் தீவிரமிக்க சாதனங்கள், அமைப்புகளை வழங்கிச் சாதனை படைத்துள்ளது எல்&டியின் கனரக பொறியியல் வணிகம்.

 

நிறுவனத்தின் பின்னணி:

இந்தியாவைச் சேர்ந்த லார்சன்  &  டூப்ரோ பன்னாட்டு நிறுவனமானது தொழில்நுட்பம், பொறியியல், கட்டுமானம், உற்பத்தி மற்றும் நிதிச் சேவைகள் போன்றவற்றில் ஈடுபடுகிறது. 21 பில்லியன் அமெரிக்க டாலர்களுக்கும் அதிகமாக வருவாய் பெற்று வருகிறது. உலகம் முழுக்க 30 நாடுகளில் செயல்படுகிறது. வலுவான, வாடிக்கையாளரை மையப்படுத்திய அணுகுமுறை, உயர்தரத்திற்கான தொடர்ச்சியான தேடல் ஆகியன கடந்த 80 ஆண்டுகளுக்கும் மேலாக எல்&டி இந்த வர்த்தகங்களில் தலைமையிடத்தை அடையவும் அதைத் தக்கவைக்கவும் உதவுகின்றன.   

   

இறைச்சி உணவுக்கு மூலாதாரமான இறைச்சி கூடங்களுக்கு அரசு அனுமதி மறுப்பதேன்?

எதிர்ப்பு சக்தி ( immunity enargy)மற்றும் புரதசத்து (Protin)
அதிகமுள்ள இறைச்சி உணவுக்கு மூலாதாரமான இறைச்சி கூடங்களுக்கு அரசு அனுமதி மறுப்பதேன்?

தமிழ்நாடு ஆட்டிறைச்சி – மாட்டிறைச்சி வியாபாரிகள் மற்றும் தொழிலாளர்கள் சங்கங்களின் கூட்டமைப்பு- பத்திரிக்கையாளர் சந்திப்பு.

இந்திய குடியரசு கட்சியின் தமிழ்நாடு மாநிலத் தலைவரும், தமிழ்நாடு இறைச்சி கூட வியாபாரிகள் சங்கங்களின் கூட்டமைப்பின் காப்பாளருமான அன்பு வேந்தன் பேட்டி.