600 வீரர்-வீராங்கனைகள் பங்கேற்கும் மாநில துப்பாக்கி சுடுதல் போட்டி சென்னையில் நாளை தொடக்கம்

மாநில துப்பாக்கி சுடுதல் சாம்பியன்ஷிப் போட்டி சென்னை ஆவடி வீராபுரத்தில் உள்ள தமிழ்நாடு சிறப்பு போலீஸ் சூட்டிங் ரேஞ்சில் நாளை (வியாழக்கிழமை) முதல் 16-ந் தேதி வரை நடக்கிறது.

சென்னை ரைபிள் கிளப் சார்பில் 43-வது மாநில துப்பாக்கி சுடுதல் சாம்பியன்ஷிப் போட்டி சென்னை ஆவடி வீராபுரத்தில் உள்ள தமிழ்நாடு சிறப்பு போலீஸ் சூட்டிங் ரேஞ்சில் நாளை (வியாழக்கிழமை) முதல் 16-ந் தேதி வரை நடக்கிறது. தினசரி போட்டிகள் காலை 9 மணி முதல் மாலை 5 மணி வரை நடைபெறுகிறது.

இன்று (புதன்கிழமை) வீரர்-வீராங்கனைகள் பயிற்சி மேற்கொள்கிறார்கள். ரைபிள் மற்றும் பிஸ்டல் பிரிவில் இருபாலருக்கும் சேர்த்து மொத்தம் 90 பந்தயங்கள் நடத்தப்படுகிறது. இந்த போட்டியில் தேசிய மற்றும் சர்வதேச போட்டிகளில் பதக்கம் வென்ற தமிழகத்தை சேர்ந்த நிவேதா, காயத்ரி, சர்வேஷ் ஸ்வாரூப் சங்கர், அஜய் நிதிஷ், சந்தியா மற்றும் மதுரை, திருச்சி, கோவை, திண்டுக்கல் உள்பட பல்வேறு மாவட்ட கிளப்களை சேர்ந்த வீரர்-வீராங்கனைகள் மொத்தம் 600 பேர் கலந்து கொள்கிறார்கள்.

10 மீட்டர், 25 மீட்டர், 30 மீட்டர், 50 மீட்டர் தூர பந்தயங்கள் இரு பிரிவிலும் நடைபெறுகிறது. இந்த போட்டியில் தேசிய ரைபிள் சங்கம் நிர்ணயித்துள்ள குறைந்தபட்ச தகுதி புள்ளியை எட்டும் வீரர், வீராங்கனைகள் ஜி.வி.மவ்லாங்கர் அகில இந்திய துப்பாக்கி சுடுதல் போட்டி மற்றும் தென்னிந்திய போட்டிக்கு தகுதி பெறுவார்கள். இந்த தகவலை சென்னை ரைபிள் கிளப் செயலாளர் டி.வி.சீத்தாராமராவ், பொருளாளர் ஆர்.ரவிகிருஷ்ணன் ஆகியோர் சென்னையில் நேற்று நிருபர்களிடம் தெரிவித்தனர்.

சூதாட்டத்தில் ஈடுபட்ட தென்ஆப்பிரிக்க வீரருக்கு 8 ஆண்டு விளையாட தடை

சூதாட்டத்தில் ஈடுபட்டதற்காக தென்ஆப்பிரிக்க வீரருக்கு 8 ஆண்டு விளையாட தடை விதித்து தென்ஆப்பிரிக்க கிரிக்கெட் வாரியம் நடவடிக்கை எடுத்துள்ளது.
தென் ஆப்பிரிக்க அணியின் முன்னாள் வேகப்பந்து வீரர் சோட்சோபே.
33 வயதான இவர் 2014-ம் ஆண்டோடு சர்வதேச போட்டியை முடித்துக் கொண்டார்.
சோட்சோபே உள்ளூர் போட்டியில் மட்டும் விளையாடி வந்தார். கடந்த 2015-ம் ஆண்டு தென் ஆப்பிர்காகவில் நடந்த உள்ளூர் 20 ஓவர் போட்டியில் அவர் சூதாட்டத்தில் ஈடுபட்டது கண்டு பிடிக்கப்பட்டது. முதலில் தன் மீதான குற்றச்சாட்டை மறுத்த அவர் பின்னர் அதை ஒப்புக்கொண்டார்.
விசாணையின் முடிவில் சூதாட்டத்தில் ஈடுபட்டதற்காக சோட்சோபேக்கு 8 ஆண்டு விளையாட தடை விதித்து தென்ஆப்பிரிக்க கிரிக்கெட் வாரியம் நடவடிக்கை எடுத்துள்ளது.
தென் ஆப்பிரிக்க உள்ளூர் போட்டியில் சூதாட்டத்தில் ஈடுபட்டதற்காக தடை விதிக்கப்பட்ட 7-வது வீரர் ஆவார். இதற்கு முன்பு குலாம் போடி, அல்வீரோ பீட்டர்சன் உள்ளிட்டோர் மீது நடவடிக்கை எடுக்கப்பட்டு இருந்தது.
சோட்சோபே ஒரு நாள் போட்டி தரவரிசையில் ‘நம்பர் 1’ பந்து வீச்சாளராக இருந்தவர் ஆவார். கடந்த ஏப்ரல் மாதத்தில் இருந்து இந்த தடை அமலுக்கு வந்தது. இதனால் அவர் இனி உள்ளூர் போட்டியிலும் விளையாட இயலாது.

மகளிர் உலகக்கோப்பை: தென்ஆப்பிரிக்காவுக்கு எதிரான போட்டியில் இந்திய அணி தோல்வி

மகளிர் உலகக்கோப்பையின் இன்றைய லீக் போட்டியில் தென்ஆப்பிரிக்காவுக்கு எதிரான போட்டியில் இந்திய அணி படுதோல்வியை சந்தித்தது.
இங்கிலாந்தில் நடைபெற்று வரும் பெண்கள் உலகக்கோப்பை தொடரில் இன்றைய லீக் ஆட்டத்தில் தென்ஆப்பிரிக்காவிடம் இந்திய அணி படுதோல்வி அடைந்தது.
முன்னதாக டாஸ் வென்ற இந்திய அணி பீல்டிங்கை தேர்வு செய்தது. இதையடுத்து களமிறங்கிய தென்ஆப்பிரிக்கா அணி 50 ஓவர்கள் முடிவில் 9 விக்கெட்டுகளை இழந்து 273 ரன்களை குவித்தது.
தென் ஆப்பிரிக்கா சார்பில் அதிகபட்சமாக லிஸ்லி லீ 65 பந்துகளில் 92 ரன்களை குவித்தார். கேப்டன் டேன் வான் நீகெர்க் 57 (66) ரன்கள் எடுத்தார். இந்தியா சார்பில் ஷிக்கா பாண்டே 3 விக்கெட்டுகளை வீழ்த்தினார். பிஸ்ட், கவுர் தலா 2 விக்கெட்டுகளை வீழ்த்தினர்.
274 ரன்கள் எடுத்தால் வெற்றி என களமிறங்கிய இந்திய அணியின் தொடக்க வீராங்கணைகள் நிதானமாக ஆட்டத்தை தொடங்க, மறுபக்கத்தில் விக்கெட்டும் சரிந்து வந்தது. தீப்தி ஷர்மா நிலைத்து நின்று 60 (111) ரன்களும், ஜுலான் கோஸ்வாமி 43 (79) ரன்களும் குவித்தனர்.
கேப்டன் மித்தாலி ராஜ், கவுர், ஷிக்கா பாண்டே, பூனம் பாண்டே ரன்கள் ஏதுமின்றி வெளியேற இந்திய அணி 46 ஓவர்களில் அனைத்து விக்கெட்டுகளையும் இழந்து 158 ரன்களை மட்டுமே எடுத்தது. இதையடுத்து தென் ஆப்பிரிக்க அணி 115 ரன்கள் வித்தியாசத்தில் வெற்றி பெற்றது. தென் ஆப்பிரிக்கா சார்பில் டேன் வான் நீகெர்க் 4 விக்கெட்டுகளை வீழ்த்தினார்.
தொடர்ச்சியாக 4 வெற்றிகளை பெற்ற இந்திய அணி, இந்த உலகக் கோப்பை சீசனில் முதல் தோல்வியை பதிவு செய்தது.

சாம்பியன்ஸ் டிராபி: இலங்கைக்கு எதிரான ஆட்டத்தில் இந்தியா தோல்வி

சாம்பியன்ஸ் டிராபி கிரிக்கெட் தொடரில் இலங்கைக்கு எதிரான போட்டியில் மோசமான பந்துவீச்சு காரணமாக இந்தியா 7 விக்கெட் வித்தியாசத்தில் தோல்வியடைந்தது.
சாம்பியன்ஸ் டிராபி கிரிக்கெட் தொடரில் இலங்கைக்கு எதிரான போட்டியில் மோசமான பந்துவீச்சு காரணமாக இந்தியா 7 விக்கெட் வித்தியாசத்தில் தோல்வியடைந்தது.
சாம்பியன்ஸ் டிராபி கிரிக்கெட் தொடரின் 8-வது ஆட்டம் லண்டன் கெனிங்டன் ஓவல் மைதானத்தில் இன்று நடைபெற்று வருகிறது. முக்கியமான இந்த லீக் ஆட்டத்தில், குரூப் பி பிரிவில் உள்ள இந்தியா-இலங்கை அணிகள் விளையாடுகின்றன. டாஸ் வென்ற இலங்கை அணி கேப்டன் மேத்யூஸ் பந்துவீச்சை தேர்வு செய்தார்.
பின்னர் விளையாடிய இந்திய அணி 50 ஓவர்கள் முடிவில் 321 ரன்கள் குவித்தது. ஷிகார் தவான் சிறப்பான விளையாடி சதம் விளாசினார்.
தொடக்க வீரர்களாக களமிறங்கிய ரோகித் சர்மா, ஷிகர் தவான் ஜோடி முதல் விக்கெட்டுக்கு 138 ரன்கள் எடுத்தது. சிறப்பாக விளையாடி 78 குவித்து ரோகித் சர்மா ஆட்டமிழந்தார். கேப்டன் கோலி டக் அவுட் ஆனார். யுவராஜ் 7 ரன்களில் போல்டாகி பெவிலியன் திரும்பினார்.
பின்னர், ஷிகார் தவானுடன், தோனி ஜோடி சேர்ந்தார். தொடர்ந்து சிறப்பாக விளையாடிய ஷிகார் தவான் சதம் அடித்தார். 128 பந்துகளில் 125 ரன்கள் எடுத்த போது ஷிகர் தவான் ஆட்டமிழந்தார். வந்த வேகத்தில் சிக்ஸர் விளாசிய பாண்டியா 5 பந்துகளில் 9 ரன்கள் எடுத்து தனது விக்கெட்டை பறிகொடுத்தார்.
தொடர்ந்து சிறப்பாக விளையாடிய தோனி 46 பந்துகளில் அரைசதம் அடித்தார். இருப்பினும், 52 பந்துகளில் 63 ரன்கள் எடுத்த நிலையில் தோனி ஆட்டமிழந்தார். கடைசியில் ஜாதவ் 13 பந்துகளில் 25 ரன்கள் அடிக்க இந்திய அணி 6 விக்கெட் இழப்பிற்கு 50 ஓவர்கள் முடிவில் 321 ரன்கள் குவித்தது.
இலங்கை அணி தரப்பில் மலிங்கா இரண்டு விக்கெட்டுகளை வீழ்த்தினர். இருப்பினும் மலிங்கா, லக்மல், பிரதீப் ஆகியோ தலா 70 ரன்களுக்கு மேல் வாரி வழங்கினர்.
இதனையடுத்து 322 ரன்கள் என்ற கடின இலக்குடன் இலங்கை அணி களமிறங்கியது. திக்வெல்லா மற்றும் குனதிலகா தொடக்க ஆட்டக்காரர்களாக பேட்டிங் செய்தனர். ஆட்டத்தின் ஐந்தாவது ஓவரில் திக்வெல்லா ஆட்டமிழக்க, அடுத்து களமிறங்கிய குசால் மெண்டிஸ் சிறப்பாக விளையாடி ரன்களை சேர்த்தார்.
இந்த ஜோடியை பிரிக்க இந்திய பவுலர்கள் எவ்வளவோ முயற்ச்சி செய்தனர். ஆனால், இருவரும் நிதானமாக விளையாடி அணியை வெற்றிப்பாதைக்கு அழைத்துச் சென்றனர். இலங்கை 170 ரன்களை எட்டியபோது குனதிலகா 76 ரன்களில் ரன் அவுட் ஆனார். சதமடிப்பார் என்று எதிர்பார்க்கப்பட்ட மெண்டிஸ் 89 ரன்களில் ரன் அவுட் ஆனார்.
இதனையடுது, களமிறங்கிய பெரேரா மற்றும் கேப்டன் மேத்யூஸ் நிதானமாகவும், அதே நேரத்தில் கவனமாகவும் விளையாடி ரன்களை சேர்த்தனர். இந்திய பந்து வீச்சாளர்கள் எவ்வளவோ முயற்சித்தும் விக்கெட்டுகளை எடுக்க முடியவில்லை. 49-வது ஓவரில் இலங்கை அணி வெற்றி இலக்கை எட்டியது. இந்த தோல்வியின் மூலம் இந்திய அணி அடுத்த ஆட்டத்தில் வெற்றி பெற்றாக வேண்டிய கட்டாயத்தில் உள்ளது.
வரும் 11-ம் தேதி இந்திய அணி தென்னாப்பிரிக்க அணியை எதிர்கொள்கிறது

மாநில நீச்சல் போட்டி: சென்னை மாணவர் தங்கம் வென்றார்

சென்னை வேளச்சேரியில் உள்ள எஸ்.டி.ஏ.டி. நீச்சல் வளாகத்தில் நடந்த மாநில நீச்சல் சாம்பியன்ஷிப் போட்டியில் மாணவர் ஹரிஷ் பாலாஜி 200 மீட்டர் பட்டர்பிளை பந்தயத்தில் தங்கப்பதக்கம் வென்றார்.

தமிழ்நாடு நீச்சல் சங்கம் சார்பில் 34-வது சப்-ஜூனியர் மற்றும் 44-வது ஜூனியர் மாநில நீச்சல் சாம்பியன்ஷிப் போட்டி சென்னை வேளச்சேரியில் உள்ள எஸ்.டி.ஏ.டி. நீச்சல் வளாகத்தில் நடந்தது. இதில் 17 வயதுக்கு உட்பட்ட ஆண்கள் பிரிவில் சென்னை பள்ளியில் 10-ம் வகுப்பு படிக்கும் மாணவர் ஹரிஷ் பாலாஜி 200 மீட்டர் பட்டர்பிளை பந்தயத்தில் தங்கப்பதக்கம் வென்றார்.

அவர் 50 மீட்டர் மற்றும் 100 மீட்டர் பிரஸ்ட்ஸ்டிரோக் பந்தயத்தில் வெள்ளிப்பதக்கமும், 200 மீட்டர், 800 மீட்டர் பிரஸ்ட்ஸ்டிரோக் பந்தயத்தில் வெண்கலப்பதக்கமும் வென்றார். ஹரிஷ் பாலாஜி சென்னை மாநகராட்சி நீச்சல் குளத்தில் பயிற்சியாளர் முனியாண்டியிடம் இலவசமாக பயிற்சி பெற்று வருகிறார்.

சாம்பியன்ஸ் கோப்பை கிரிக்கெட்: நியூசிலாந்து – வங்காளதேசம் இன்று மோதல்

 

சாம்பியன்ஸ் கோப்பை கிரிக்கெட்டில் அரைஇறுதி வாய்ப்பை தக்கவைக்கும் முனைப்புடன் நியூசிலாந்து-வங்காளதேச அணிகள் தனது கடைசி லீக்கில் இன்று மல்லுகட்டுகின்றன.
சாம்பியன்ஸ் கோப்பை கிரிக்கெட் தொடரில், கார்டிப்பில் இன்று (வெள்ளிக்கிழமை) நடக்கும் 9-வது லீக்கில் கனே வில்லியம்சன் தலைமையிலான நியூசிலாந்து அணி, மோர்தாசா தலைமையிலான வங்காளதேசத்தை (ஏ பிரிவு) எதிர்கொள்கிறது.
நியூசிலாந்து தனது முதல் ஆட்டத்தில் ஆஸ்திரேலியாவுடன் மோதியது. இதில் வெற்றி பெறும் நிலையில் இருந்து மழை பெய்து ஆட்டம் ரத்தானதால் தலா ஒரு புள்ளியை பகிர்ந்து கொள்ள வேண்டியதானது. 2-வது ஆட்டத்தில் இங்கிலாந்துக்கு எதிராக 87 ரன்கள் வித்தியாசத்தில் படுதோல்வி அடைந்தது.
இதே போல் வங்காளதேச அணி தனது முதல் ஆட்டத்தில் 8 விக்கெட் வித்தியாசத்தில் இங்கிலாந்திடம் மண்ணை கவ்வியது. அடுத்த ஆட்டத்தில் ஆஸ்திரேலியாவுக்கு எதிராக தோல்வியின் விளிம்பில் இருந்த நிலையில் மழை காப்பாற்றியது. பாதியில் கைவிடப்பட்டதால் வங்காளதேசத்துக்கு ஒரு புள்ளி கிடைத்தது.
பயிற்சியில் நியூசிலாந்து கேப்டன் வில்லியம்சன், கப்தில்.
தலா ஒரு புள்ளியுடன் உள்ள நியூசிலாந்து, வங்காளசேத்துக்கு இது தான் கடைசி லீக்காகும். இதில் கட்டாயம் வென்றாக வேண்டும். தோல்வி காணும் அணி மூட்டையை கட்டும். வெற்றி பெற்றாலும் அரைஇறுதி வாய்ப்பை தக்கவைக்க முடியுமே தவிர உறுதிப்படுத்த முடியாது. அதாவது இதே பிரிவில் நாளை நடக்கும் கடைசி லீக்கில் இங்கிலாந்தும், ஆஸ்திரேலியாவும் மோதுகின்றன. இதன் முடிவுக்காக காத்திருக்க வேண்டி இருக்கும்.
ஆஸ்திரேலியா வெற்றி பெற்றால் ஏற்கனவே அரைஇறுதியை எட்டி விட்ட இங்கிலாந்துடன் சேர்ந்து 2-வது அணியாக 4 புள்ளியுடன் அடுத்த சுற்றுக்குள் நுழையும். மாறாக தோல்வியை தழுவினால் நியூசிலாந்து அல்லது வங்காளதேசம் ஆகிய அணிகளில் ஒன்றுக்கு அதிர்ஷ்டம் அடிக்கும். மழை குறுக்கிட்டால் மீண்டும் சிக்கல் உருவாகும். இந்த போட்டிக்கும் மழை அச்சுறுத்தல் இருக்கிறது.
இவ்விருஅணிகளும் இதுவரை 30 ஒரு நாள் போட்டிகளில் நேருக்கு நேர் சந்தித்துள்ளன. இதில் 21-ல் நியூசிலாந்தும், 9-ல் வங்காளதேசமும் வெற்றி பெற்றுள்ளன. சமீபத்தில் அயர்லாந்தில் நடந்த முத்தரப்பு தொடரின் போது வங்காளதேசம் 5 விக்கெட் வித்தியாசத்தில் நியூசிலாந்தை தோற்கடித்தது நினைவு கூரத்தக்கது.

சாம்பியன்ஸ் லீக் கால்பந்தில் ரியல் மாட்ரிட் அணி சாம்பியன்

சாம்பியன்ஸ் லீக் கால்பந்து தொடரின் இறுதி ஆட்டத்தில் நடப்பு சாம்பியனான ரியல் மாட்ரிட் அணி 4-1 என்ற கோல் கணக்கில் ஜூவென்டஸ் அணியை வீழ்த்தி சாம்பியன் பட்டத்தை வென்றது.

இதன் மூலம் சாம்பியன்ஸ் லீக் கால்பந்து வரலாற்றில் முதன்முறை யாக பட்டத்தை தக்கவைத்துக் கொண்ட முதல் அணி என்ற சாத னையை ரியல் மாட்ரிட் படைத்தது. நட்சத்திர வீரரான கிறிஸ்டியானோ ரொனால்டோ இரு கோல்கள் அடித்து வெற்றிக்கு உதவினார்.

கார்டிப் நகரில் நடைபெற்ற இந்த ஆட்டத்தில் 20-வது நிமிடத்தில் ரொனால்டோ அடித்த கோலால் ரியல் மாட்ரிட் 1-0 என முன்னிலை பெற்றது. ஆனால் அடுத்த 7-வது நிமிடத்தில் ஜூவென்டஸ் அணி பதிலடி கொடுத்தது. மரியோ மேன்ட்சூயிக் அடித்த இந்த கோலால் முதல் பாதி ஆட்டம் 1-1 என சமநிலையில் இருந்தது.

2-வது பாதியில் ரியல் மாட்ரிட் அணி மேலும் 3 கோல்கள் அடித்து மிரளச் செய்தது. 61-வது நிமிடத்தில் கேஸ்மிரோ, 64-வது நிமிடத்தில் ரொனால்டோ, 90-வது நிமிடத்தில் மார்கோ சென்சியோ ஆகியோர் அடித்த கோலால் ரியல் மாட்ரிட் அணி 12-வது முறையாக சாம்பியன் பட்டம் வென்றது.

மேலும் அந்த அணி கடந்த 4 ஆண்டுகளில் வெல்லும் 3-வது பட்டம் இதுவாகும். இந்த ஆட்டத் தில் கோல் அடித்ததன் மூலம் 3 இறுதிப் போட்டிகளில் கோல் அடித்த முதல் வீரர் என்ற சாதனையை ரொனால்டா படைத்தார். 2014 மற்றும் 2008-ம் ஆண்டு நடைபெற்ற இறுதி போட்டியில் ரொனால்டோ கோல் அடித்திருந்தார்.

மேலும் இந்த சீசனில் அதிக கோல் அடித்திருந்த லயோனல் மெஸ்ஸியின் (11 கோல்கள்) சாதனையையும் ரொனால்டோ தகர்த்தார். ரொனால்டோ இந்த சீசனில் 12 கோல்கள் அடித்துள்ளார்.

வெற்றி குறித்து ரொனால்டோ கூறும்போது, ‘‘சாம்பியன்ஸ் லீக் கால்பந்து தொடரில் தொடர்ச்சியாக 2-வது முறையாக பட்டம் வென்ற வென்ற முதல் அணி என்ற பெருமையை நாங்கள் பெற்றது மிகுந்த மகிழ்ச்சியாக உள்ளது. இந்த சீசனை மிகச்சிறப்பாக நான் நிறைவு செய்துள்ளேன். இது மற்று மொரு சாதனையாகும், இந்த சாத னைக்கு ரியல் மாட்ரிட் அணி வீரர் கள் தகுதியானவர்கள்” என்றார்.

1958-ம் ஆண்டுக்கு பிறகு முதன்முறையாக ரியல் மாட்ரிட் அணி, லா லிகா மற்றும் சாம்பியன் லீக் தொடர் என ஒரே சீசனில் இரு சாம்பியன் பட்டங்களை வென்று சாதனை படைத்துள்ளது. இந்த சீசனில் அந்த அணி கிளப் அளவி லான உலகக் கோப்பை, ஐரோப்பிய சூப்பர் கோப்பை தொடர்களையும் வென்றுள்ளது.

பாகிஸ்தானை வீழ்த்தி இந்தியா அபாரம்: 124 ரன்கள் வித்தியாசத்தில் வெற்றி

இந்தியா – பாகிஸ்தான் அணிகளுக்கு இடையே நடைபெற்ற சாம்பியன்ஸ் டிராபி கிரிக்கெட் ஆட்டத்தில் இந்திய அணி 124 ரன்கள் வித்தியாசத்தில் வென்றது.
இந்தியா நிர்ணயித்த 320 ரன்கள் இலக்கை விரட்டிய பாகிஸ்தான் பொறுமையாகவே தனது ஆட்டத்தை தொடங்கியது. 5-வது ஓவர் முடியும் முன் மழை குறுக்கிட்டதால் ஆட்டம் தடைபட்டது. அரை மணி நேரத்துக்கும் மேலாக ஆட்ட நேரம் மழையால் வீணானதால், இலக்கு 41 ஓவர்களுக்கு 289 என திருத்தப்பட்டது.

தொடர்ந்து ஆடிய பாகிஸ்தான் 9வது ஓவரில் ஷெஸாதை 12 ரன்களுக்கு இழந்தது. புவனேஸ்வர் குமார் இந்த விக்கெட்டை வீழ்த்தினார். அடுத்த சில ஓவர்களிலேயே உமேஷ் யாதவ் பந்தை பவுண்டரி அடிக்க முயன்று கேட்ச் கொடுத்து வெளியேறினார் பாபர் அஸாம் (8 ரன்கள்).

பிறகு அசார் அலி, முகமது ஹஃபீஸ் இணை பொறுப்புடன் ஆடி ரன் சேர்ப்பில் ஈடுபட்டது. ஹஃபீஸ் திணறினாலும், அசார் அலி சிறப்பான ஆட்டத்தை வெளிப்படுத்தினார். 64 பந்துகளில் அவர் அரை சதம் எட்டினார். ஆனால் அந்த ஓவரிலேயே ஜடேஜா வீசிய பந்தை ஸ்வீப் செய்ய முயன்று கேட்ச் கொடுத்து ஆட்டமிழந்தார்.

மீதமிருந்த 20 ஓவர்களில் 198 ரன்கள் என்ற நிலமையில், டி20 ஆட்டத்தை போல ஆட வேண்டிய நிலைக்கு பாக் அணி தள்ளப்பட்டது. இதை உணர்ந்து ஷோயிப் மாலிக், சிக்ஸர், பவுண்டரி என விளாச ஆரம்பித்தார்.

திருப்புமுனையான ரன் அவுட்

ஷோயிப் மாலிக் 9 பந்துகளில் 2 பவுண்டரி, 1 சிக்ஸருடன் 15 ரன் எடுத்திருந்த போது, 24-வது ஓவரில், உமேஷ் யாதவ் வீசிய பந்தை சற்று தடுமாற்றத்துடன் பேக்வர்ட் பாயிண்ட் பகுதிக்கு தட்டிவிட்டு ரன் எடுக்க முயன்றார். ஆனால் மறுமுனையில் இருந்த ஹஃபீஸ் ரன் வேண்டாம் என மறுக்க, ஷோயிப் மாலிக் மீண்டும் க்ரீஸுக்குள் நுழைவதற்குள் ரவீந்திர ஜடேஜா பந்தை எடுத்து மின்னல் வேகத்தில் ஸ்ட்ரைக்கர் முனையின் ஸ்டம்பை நொறுக்கினார். ரன் அவுட் ஆன ஷோயிப் மாலிக் பெவிலியன் திரும்பினார்.

அதிரடியாக ஆட ஆரம்பித்திருந்த ஷோயிப் மாலிக் ஆட்டமிழந்தது போட்டியின் திருப்புமுனையாக அமைந்தது. இந்த கட்டத்தில் பாகிஸ்தான் அணிக்கு 14 ஓவர்களில் 155 ரன்கள் தேவையாயிருந்தது. ஒரு ஓவருக்கு சராசரியாக 11 ரன்கள் தேவை என்ற நிலை.

தொடர்ந்து சீரான இடைவெளியில் பாக் வீரர்கள் ஆட்டமிழக்க ஆரம்பித்தனர். தத்தளித்து வந்த ஹஃபீஸ் 43 பந்துகளில் 33 ரன்கள் எடுத்து வீழ்ந்தார். ரன் ஏதும் சேர்க்காமலேயே இமாத் வஸிம் ஆட்டமிழ்ந்தார். 2 பவுண்டரிகள் அடித்து சிறிது நம்பிக்கை அளித்த சர்ஃபராஸ் அகமது 15 ரன்களுக்கு பாண்டியாவின் வேகத்தில் தோனியிடம் கேட்ச் கொடுத்து ஆட்டமிழந்தார். வெற்றிக்கு 11 ஓவர்களில் 137 ரன்கள். ஒரு ஓவருக்கு சராசரியாக 12 ரன்களுக்கு மேல் தேவை. பாகிஸ்தான் தோல்வி உறுதியானது.

உமேஷ் யாதவ் வீசிய 34வது ஓவரில் அடுத்தடுத்து முகமது ஆமிர், ஹஸன் அலி இருவரும் ஆட்டமிழக்க, 124 ரன்கள் வித்தியாசத்தில் இந்தியா அபார வெற்றி பெற்றது. கடைசி பாக். வீரர் வஹாப் ரியாஸ் உடல்நலம் சரியில்லாததால் ஆடவரவில்லை. ஆட்டநாயகனாக யுவராஜ் சிங் தேர்ந்தெடுக்கப்பட்டார்

முன்னதாக ஆடிய இந்திய அணி யுவராஜ் சிங், கோலி, பாண்டியா உள்ளிட்டவர்களின் அதிரடியுடன் 320 ரன்களை குவித்தது. இந்தியாவின் முதல் 4 ஆட்டக்காரர்களும் அரை சதம் கடந்தது குறிப்பிடத்தக்கது. ரோஹித் சர்மா 119 பந்துகளில் 91 ரன்கள் ஷிகர் தவண் 65 பந்துகளில் 68 ரன்கள், விராட் கோலி 68 பந்துகளில் 81 ரன்கள், யுவராஜ் சிங் 32 பந்துகளில் 53 ரன்கள் எடுத்திருந்தனர். கடைசியில் ஆட வந்த பாண்டியாவும் 3 சிக்ஸர்களுடன் 6 பந்துகளில் 20 ரன்களை எடுத்தார்.

இந்திய வேகப்பந்து வீச்சாளர்களால் எந்த அணியையும் வீழ்த்த முடியும்: இசாந்த ஷர்மா

சாம்பியன்ஸ் டிராபி தொடரில் இந்திய வேகப்பந்து வீச்சாளர்களால் எந்தவொரு அணியையும் வீழ்த்த முடியும் என்று இசாந்த் ஷர்மா கூறியுள்ளார்.

இந்திய வேகப்பந்து வீச்சாளர்களால் எந்த அணியையும் வீழ்த்த முடியும்: இசாந்த ஷர்மா
இந்திய டெஸ்ட் அணியின் முன்னணி வேகப்பந்து வீச்சாளராக திகழ்பவர் இசாந்த் ஷர்மா. இந்தியா 2013-ம் ஆண்டு சாம்பியன்ஸ் டிராபி தொடரை வெல்வதற்கு இவரது பங்களிப்பு முக்கியத்துவம் வாய்ந்ததாக இருந்தது. தற்போது அவருக்கு ஒருநாள் அணியில் இடம்கிடைப்பதில்லை. அதேவேளையில் உமேஷ் யாதவ், மொகமது ஷமி, பும்ப்ரா, புவனேஸ்வர் குமார் ஆகியோர் சிறப்பான பந்து வீச்சை வெளிப்படுத்தி வருகிறார்கள்.

இந்திய அணியில் இடம்பிடித்துள்ள வேகப்பந்து வீச்சாளர்களால் சாம்பியன்ஸ் டிராபி தொடரில் எந்தவொரு அணியையும் வீழ்த்த முடியும் என்று இசாந்த ஷர்மா கூறியுள்ளார்.

இதுகுறித்து இசாந்த் ஷர்மா கூறுகையில் ‘‘இந்திய வேகப்பந்து வீச்சாளர்கள் மிகவும் சிறப்பு வாய்ந்தவர்கள். இங்கிலாந்து மண்ணில் அவர்கள் சிறப்பாக செயல்படுவார்கள். முக்கியமான விஷயம் ஒவ்வொரு சூழ்நிலையில் சிறந்த பந்து வீச்சை வெளிப்படுத்த வேண்டும் என்ற மனஉறுதி, சுய நம்பிக்கையை வைத்துள்ளனர்.

ஒவ்வொருவரும் மிகவும் நெருக்கடியான போட்டியிலும், எந்தவொரு சூழ்நிலையிலும் விளையாடிய அனுபவம் உள்ளவர்கள். அவர்கள் சிறப்பாக பந்து வீசுவார்கள் என்பது உறுதி. இதனால் எந்தவொரு அணியையும் வீழ்த்தும் திறமை அவர்களிடம் உள்ளது.

உமேஷ் யாதவ் சிறப்பாக பந்து வீசி வருகிறார். டெத் ஓவரில் பும்ப்ரா அபாரமாக பந்து வீசக்கூடியவர். அவரால் சிறந்த யார்க்கர் பந்தை வீச முடியும்’’ என்றார்.

New World Record Created 440 Children gather together for the largest Keyboard concert

A new World Record for the largest Keyboard Ensemble was created on the World Labour Day – May 01, 2017 (Monday), here in Chennai where 440 plus Children participated. The previous record for the largest keyboard concert was done by 400 participants.

On Monday morning, St. Bedes Centenary Auditorium, Santhome was bustled with young musicians in the age of 7 to 17 years from all over Tamil Nadu, to create a new World Record. The concert was to spread awareness on child labour.

“Stop Child Labour Awareness Mega Keyboard Concert” is conducted by Isaimaamani M.S Martin on behalf of “Melliflous Melodies on Keyboard” and “Madhuradhwani Sangeetha Sabha” – a Sabha exclusively for talents in instrumental music.

The children at the concert played Patriotic Songs like Raghupathi Raghava Rajaram, Thai Manne Vanakkam, Acham Acham Illai etc.

Addressing the gathering, Mr. Martin said, “We have successfully conducted two recognised Guinness World record events – the largest electronic keyboard ensemble, in the past. In the year 2011, it was carried out by 109 children at Music academy promoting Carnatic Music and the next witnessed 229 children who performed for “World Peace” on January 16, 2014 at the Chennai Trade Centre. These events were widely applauded by media, critics and Music legends alike for its perfection. In 2009, we conducted the first largest keyboard ensemble with our students of Mellifluous Melodies on Keyboard at Naradhagana Sabha along with 75 children.” 

He adds, “As a special feature of the concert, this time visually challenged kids from St. Louis School for deaf and blind have also participated along with economically challenged students from aided schools, for the kids who have big dreams but are bonded in labour, on this “World Labour day”. This concert is a sincere effort from our team of young keyboard musicians, parents and schools to infuse social awareness in young children in the form of Music.”

A special adjudicator Mr. Vivek from Asia book of records was present at the event and gave away the official certificate for the record.

Dr. S. Vijaya Raghavan, Head of Department, Music Department, Tamilnadu Government Music college, M. B. Kripakar, Partner Sankaran &S undar, Chartered Accountant, Dr. D. Jagannathan, IAS, Director of Museums and Commissioner of Art and Culture, Mr. K. Kannapan, Director, School Education, Mr. P. A. Naresh, Joint Director, School Education, Govt. of TN and Fr. Don Bosco SDB, Rector and Correspondent, St. Bede’s School, were also present