மலேசிய பிரதமர் மகாதீர் முகமது ஜி.எஸ்.டி வரியை ரத்து செய்வதாக அறிவிப்பு வெளியிட்டுள்ளார்.

பதவியேற்ற உடனேயே மலேசிய பிரதமரின் அதிரடி! ஜி.எஸ்.டி வரி நீக்கம்.

நேற்றைய தினம் பதிவியேற்ற உடனேயே மலேசிய பிரதமர் மகாதீர் முகமது ஜி.எஸ்.டி வரியை ரத்து செய்வதாக அறிவிப்பு வெளியிட்டுள்ளார்.

மலேசியாவில் ஏற்கனவே இருந்த விற்பனை மற்றும் சேவை வரி (எஸ்.எஸ்.டி) கடந்த 2015 ஆம் ஆண்டு மாற்றப்பட்டு புதியதாக சரக்கு சேவை வரி (ஜி.எஸ்.டி.) அறிமுகப்படுத்தப்பட்டது.

இந்த வரி முறையில் பல்வேறு குழப்பங்களும், சிக்கல்களும் இருந்ததால் கடும் எதிர்ப்பு கிளம்பியது. ஆனாலும் அரசு எதனையும் கண்டு கொள்ளாமல் செயல்படுத்தி வந்தது.

இந்நிலையில் பாராளுமன்ற தேர்தல் பிரசாரத்தின் போது பக்காத்தான் ஹராப்பான் கூட்டணி கட்சி “நாங்கள் ஆட்சிக்கு வந்தால் ஜி.எஸ்.டி. வரியை ரத்து செய்வோம்” என்று அறிவித்தது. அதன்படி அந்த கட்சி ஆட்சியை பிடித்துள்ளது.

மகாதீர் முகமது பிரதமராக நேற்று பதவி ஏற்றுக் கொண்டார். பதவியேற்ற மாதீர் முகமது உடனடியாக ஜி.எஸ்.டி. வரி ரத்து செய்யப்படுவதாக அறிவிப்பு வெளியிட்டார். மீண்டும் எஸ்.எஸ்.டி. என்ற பழைய வரி முறையே அமுலில் இருக்கும் என அறிவித்துள்ளார்.