நேற்று முன்தினம் பெய்த கன மழையில் இரண்டு அடுக்கு மாடி வீடு இடிந்து விழுந்ததில் 4 பேர் பலியாயினர் 5 பேர் படுகாயம் அடைந்தனர் அவர்களுக்கு தமிழ்நாடு முதலமைச்சர் நிவாரண நிதியிலிருந்து பலியானவர்கள் குடும்பத்திற்கு தலா 4 லட்சம் வீதம் நகராட்சி நிர்வாகம் ஊரக வளர்ச்சி சிறப்புத் திட்டங்கள் செயலாக்கத்துறை அமைச்சர் மாண்புமிகு எஸ் .பி. வேலுமணி அவர்கள் நிவாரண உதவிகளை வழங்கினார் உடன் மாவட்ட ஆட்சியர் ராசாமணி கோவை மாநகர் மாவட்ட கழக செயலாளர்கள் சட்டமன்ற உறுப்பினர் அம்மன் அர்ஜுனன் மாநகராட்சி ஆணையர் குமரவேல் பாண்டியன் துணை ஆணையர் மதுராந்தகி மற்றும் மாவட்ட வருவாய் அலுவலர் ராமதுரை முருகன் வருவாய் கோட்டாட்சியர் தனலிங்கம் பேரூர் தாசில்தார் உள்பட அரசு அலுவலர்கள் மற்றும் கழக நிர்வாகிகள் உடனிருந்தனர்
அருந்ததியர் சமூக மக்களுக்கு உள் இட ஒதுக்கீடு கோரி கவனயீர்ப்பு ஆர்ப்பாட்டம் கோவை மாவட்டம் அன்னூர் பகுதியில் இன்று சமூக நீதிக் கட்சியின் சார்பில் ஆர்ப்பாட்டம் நடைபெற்றது அதில் புதுச்சேரி மாநில அருந்ததியர் மக்களுக்கு 3% இட ஒதுக்கீட்டையும் தமிழக அருந்ததியர் சமூக மக்களுக்கு உச்சநீதிமன்ற வழிகாட்டுதலின் பிரகாரம் 6 சதவீதம் இட ஒதுக்கீட்டை உயர்த்தி வழங்கிட கோரி ஆர்ப்பாட்டம் நடைபெற்றது திராவிடர் பேரவை அவைத்தலைவர் v. ராஜன் அவர்களும் மற்றும் பேரவை பொறுப்பாளர்களும் ஆர்ப்பாட்டத்தில் கலந்து கொண்டனர்
தமிழ்நாடு அங்கன்வாடி ஊழியர் மற்றும் உதவியாளர் சுமார் 50க்கும் மேற்பட்டோர் ஆர்ப்பாட்டம் நடத்தினர்
தலைவர் சாந்தி தலைமையில் கோவை மாவட்ட ஆட்சியர் அவர்கள் பணி மாறுதல் செய்த பின் காலி பணியிடங்களை நிரப்ப கோருதல் சார்பாக உள்ளூர் பணியிடம் மாறுதல் லோக்கல் பணியிட மாறுதல் மினி மைய பணியாளர்களுக்கு 3 ஆண்டு முடிந்தவர்களுக்கு பதவி உயர்வு உதவியாளர்களுக்கு 10 வருடம் ஆனவர்களுக்கு பதவி வழங்க வேண்டும் நீண்ட நாட்களாக பணியிட மாறுதல் விண்ணப்பித்த காத்துக்கொண்டு இருக்கிறார்கள் தற்போது பணியிட மாறுதல் நிரப்பாமல் நேரடி நியமனம் செய்யும்போது பணியாள ர்கள் நிலை பாதிக்கப்படுகிறது அதனால் பணியிட மாற்றம் பதவி உயர்வு வழங்கிய பின்பு புதிய பணியிடங்களை நிரப்பும் படி சங்கத்தின் சார்பாக பணிவன்புடன் கேட்டுக்கொள்கிறோம் மற்றும் R.சாந்தி தலைவர் துணைத்தலைவர் N.சித்தரா, M.பூங்கொடி, M.சரசாள், வேலுமணி, பொருளாளர் B.அலமேலு மங்கை செயலாளர் S.ஸ்டெல்லா இணைச்செயலாளர் N.சாரதா, P.பாக்கியம், B.மாலினி
தமிழக அரசுக்கு ஒட்டுநர்களின் இறுதி கட்ட நடைப்பிண கோரிக்கை மனு
கோரிக்கைகள் :
1. தமிழகத்தில் பேஜ் லைசன்ஸ் பெற்றுள்ள அனைத்து ஓட்டுநர்களுக்கும் 20000 ரூபாய் இழப்பீடு வழங்க வேண்டும்.
2. பொது பயன்பாட்டு வாடகை வாகனங்களுக்கு ஊரடங்கு காலத்தில் EMI களுக்கு விதிக்கப்பட்ட வட்டி நீக்கப்பட வேண்டும்.
3.பெட்ரோல் டீசல் விலையை GST வரம்புக்குள் கொண்டு வரப்பட வேண்டும் அல்லது வாடகை வாகனங்களுக்கு அரசு சார்பில் மானிய விலையில் நாள் ஒன்றுக்கு 20 லிட்டர் டீசல் வழங்கப்பட வேண்டும்.
4. ஆட்டோக்களுக்கு மீட்டர் கட்டணத்தை உயர்த்த வேண்டும் , வாடகை கார்.மற்றும் மேக்ஸி கேப்களுக்கு முறையான கட்டணம் நிர்ணயம் செய்யப்பட வேண்டும்.
5. அனைத்து வாகன ஓட்டுநர்களுக்கும் அரசு சார்பில் COVID – 19 இன்சூரன்ஸ் வழங்கப்பட வேண்டும்.
6. ஊரடங்கு காலத்தில் வாகனங்களுக்கு விதிக்கப்பட்ட காலாண்டு சாலை வரிகள் தள்ளுபடி செய்யப்பட வேண்டும்.
7. தனியார் இன்சூரன்ஸ் கம்பெனியிடம் பேரிடர் இழப்பு வழங்க வலியுறுத்த வேண்டும் .
என்ற கோரிக்கைகள் தமிழக அரசுக்கு வைக்கப்பட்டது..
30 நடமாடும் மருத்துவ வாகனங்கள் ஜெயின் மிஷன் உள்ளிட்ட பல்வேறு அமைப்புகள் சார்பில் ஒமந்தூரார் பன்னோக்கு மருத்துவமனைக்கு அளிக்கப்பட்டது.
கொரோனா இல்லாத நகரமாக உருவாக்கும் விதமாக வீடுகளுக்கே சென்று கொரோனா பரிசோதனை செய்யும் அனைத்து வசதிகளுடன் கூடிய 30 நடமாடும் வாகனங்கள் ஜெயின் மிஷன் உள்ளிட்ட பல்வேறு அமைப்புகள் சார்பில் ஒமந்தூரார் பன்னோக்கு மருத்துவமனைக்கு அளிக்கப்பட்டது.
சென்னை தி.நகரில் உள்ள சங்கர்லால் சுந்தேர்பாய் சசுன் ஜெயின் கல்லூரியில் நடைபெற்ற நிகழ்ச்சியில், கொரோனா பரிசோதனை செய்யும் அனைத்து வசதிகளுடன் கூடிய 30 நடமாடும் வாகனங்கள் தமிழக அரசுக்கு அளிக்கப்பட்டன. ஜெயின் மிஷன் அமைப்பு உள்ளிட்ட பல்வேறு அமைப்புகள் சார்பில் வழங்கப்பட்ட இந்த 30 நடமாடும் மருத்துவ வாகனங்களின் இயக்கத்தை சுகாதாரத்துறை முதன்மைச் செயலாளர் ஜெ.ராதாகிருஷ்ணன், பெருநகர சென்னை மாநகராட்சி ஆணையர் பிரகாஷ் ஆகியோர் கொடியசைத்து தொடங்கிவைத்தனர்.
நிகழ்ச்சியில் பேசிய சுகாதாரத்துறை முதன்மைச் செயலாளர் ஜெ.ராதாகிருஷ்ணன், மக்கள் தொகை அடர்த்தி அதிகமுள்ள சென்னை மாநகரில், நோய்த்தொற்றினை கட்டுப்படுத்த காய்ச்சல் முகாம்கள் பெரிதளவில் பயனளித்துள்ளதாக கூறினார். இந்நிலையில் அனைத்து வசதிகளும் கொண்ட இந்த நடமாடும் மருத்துவ வாகனங்கள் நோய் தொற்று உள்ளவர்களுக்கு எந்த சிரமமின்றி இந்த வாகனத்தின் மூலம் கொரோனா பரிசோதனையை இலவசமாக செய்துகொள்ளலாம் என்றார்.
தொடர்ந்து பேசிய பெருநகர சென்னை மாநகராட்சி ஆணையர் பிரகாஷ், சென்னையில் 8,16,653 பேர் தனிமைபடுத்தப்பட்டுள்ளதாகவும்
3,80,421 பேர் குணமடைந்துள்ளதாகவும் கூறினார். மேலும் தொற்று உறுதிப்படுத்தப்பட்டவர்களுடன் தொடர்பில் இருந்தவர்கள் 4,24,452 பேர் தற்பொழுது தனிமைபடுத்தப்பட்டுள்ளதாக மாநகராட்சி ஆணையர் பிரகாஷ் கூறினார். நோய் தொற்று ஏற்பட்டவர்கள் சிரமமின்றி பரிசோதித்து சிகிச்சை பெற்றுக்கொள்ள இது போன்ற நடமாடும் வாகனங்கள் உதவியாக இருக்கும் என்றார்.
இந்த நிகழ்ச்சியில் ஜினிஸ்வர் இன்ப்ரா வென்ச்ர்ஸ் நிறுவத்தின் தலைவர் பிரமோத் சோரிடியா, கீழ்பாக்கம் ஜெயின் சங்க துணை தலைவர் கிம்ராஜ் சக்காரியா, மெட்ராஸ் ஸ்டீல் மற்றும் பைப் உரிமையாளர் சங்க தலைவர் நரேந்திர சக்காரியா உள்ளிட்ட பலர் கலந்து கொண்டனர்.
சென்னை பெருநகர ஒலி, ஒளி அமைப்பாளர்களுக்கு நிவாரண உதவி
சென்னை :
சென்னை பெருநகர ஒலி,ஒளி அமைப்பாளர்கள் மற்றும் தொழிலாளர் நலச்சங்கம் சார்பில் ஊரடங்கு காரணமாக வேலையின்றி தவித்து வரும் ஒலி, ஒளி அமைப்பாளர்கள், வாடகை பாத்திர நிலையம், வாடகைக்கு டெக்ரேஷன் செய்யும் தொழிலாளர் குடும்பங்களுக்கு அரிசி பைகள் வழங்கப்பட்டது.
சென்னை பெருநகர ஒலி,ஒளி அமைப்பாளர்கள் மற்றும் தொழிலாளர் நலச்சங்கத்தின் தலைவர் சந்திரசேகர் தலைமையில் நடைபெற்ற இந்த நிகழ்ச்சியில் மாம்பலம் காவல்துறை உதவி ஆணையர் கலியன் சிறப்பு விருந்தினராக பங்கேற்று தொழிலாளர்களுக்கு அரிசி பைகளை வழங்கினார்.
பின்னர் செய்தியாளர்களிடம் பேசிய சங்கத்தின் தலைவர் சந்திரசேகர்,
ஊரடங்கு தடை உத்தரவால் தமிழகம் முழுவதும் ஒலி,ஒளி அமைப்பாளர்கள் மற்றும் தொழிலாளர் வாழ்வாதாரம் பாதிக்கப்பட்டுள்ளது. மார்ச் முதல் ஜூன் வரை கோயில் திருவிழாக்கள்,விசேஷ நிகழ்ச்சிகள் நடக்கும். இது போன்ற நேரத்தில் தடை உத்தரவால் முழுமையாக பாதிக்கப்பட்டுள்ளோம்.ஒலி, ஒளி அமைப்பாளர்கள் குறித்து மாவட்டம் வாரியாக கணக்கெடுப்பு நடத்தி அரசு எங்களுக்கு நிவாரண உதவி வழங்க வேண்டும் என்றார்
இந்த நிகழ்ச்சியில்
சென்னை பெருநகர ஒலி,ஒளி அமைப்பாளர்கள் மற்றும் தொழிலாளர் நலச்சங்கத்தின் செயலாளர் குணசேகரன்,பொருளாளர் முகமது சித்திக்,துணைத்தலைவர் சுப்பிரமணியன்,நிர்வாகி சக்திவேல் உள்ளிட்ட ஏராளமானோர் கலந்துக்கொண்டனர்.
சென்னை : சென்னை புளியந்தோப்பு இறைச்சிக் கூடத்தை திறக்கக்கோரி வியாபாரிகள் ஆர்ப்பாட்டம் நடைபெற்றது.
ஊரடங்கு தளர்வில் இறைச்சி கடைகளை திறக்க அனுமதி வழங்கப்பட்டுள்ள நிலையில் சென்னையில் வில்லிவாக்கம்,சைதாப்பேட்டை,கள்ளிக்குப்பம்
இறைச்சிக்கூடங்கள் திறக்கப்பட்டுள்ள நிலையில் புளியந்தோப்பு இறைச்சிக் கூடத்தையும் திறக்க மாநகராட்சி அதிகாரிகள் நடவடிக்கை எடுக்குமாறு கோரிக்கை வைத்தனர்.
இதுகுறித்து இறைச்சி வியாபாரிகள் சங்கத்தின் தலைவர் சபிர் அஹமத், காப்பாளர் அன்பு வேந்தன் ஆகியோர் கூறுகையில் சென்னையில் ஊரடங்கு தொடங்கிய நிலையில் புளியந்தோப்பு இறைச்சிக்கூடம் 29-4-2020 முதல் தொடர்ச்சியாக அடைக்கப்பட்டுள்ளது. இதனால் இத்தொழிலை நம்பியுள்ள 10 ஆயிரத்துக்கும் மேற்பட்ட தொழிலாளர்கள் வாழ்வாதாரம் இழந்துள்ளனர்.
இறைச்சிக்கூடத்தை திறக்கக்கோரி பலமுறை அமைச்சர்களிடத்திலும் மாநகராட்சி அதிகாரிகளிடத்திலும் முறையிட்டும் பயனில்லை.தற்போது சென்னையில் முழு ஊரடங்கு தளர்வில் இறைச்சிக்கூடங்களை திறக்க அனுமதி வழங்கியுள்ள நிலையில் புளியந்தோப்பு இறைச்சிக் கூடத்தையும் திறக்க மாநகராட்சி அதிகாரிகள் நடவடிக்கை எடுக்குமாறு கேட்டுக்கொள்கிறோம் என்றார்.
அமைச்சர் க.பாண்டியராஜன் பழங்கள் அடங்கிய பூங்கொத்து கொடுத்து வழியனுப்பினார்
சென்னை, ஜூலை.
சென்னை வியாசர்பாடி அம்பேத்கர் கல்லூரியில் இயங்கி வரும் கொரோனா தடுப்பு சித்த மருத்துவ மையத்தில் சிகிச்சை பெற்று வந்த 8 பேர் இன்று சிகிச்சை முடிந்து வீடு திரும்பினர். சிகிச்சை முடிந்து வீடி திரும்பியவர்களுக்கு அமைச்சர் க.பாண்டியராஜன் தலைமையில் மருத்துவர்களும், மாநகராட்சி ஊழியர்கள் பழங்கள் அடங்கிய பூங்கொத்தை கொடுத்து உற்சாகமாக வழியனுப்பி வைத்தனர்.
அப்போது நடைபெற்ற செய்தியாளர்கள் சந்திப்பில் அவர் கூறியதாவது,
சென்னையில் கொரோனா வளர்ச்சி விதிகம் குறைந்து வருகிறது. அடுத்த சில நாட்களில் ஏற்கனவே போடப்பட்ட ஊரடங்கின் பலன் தெரியும்.
கடந்த 23 ஆம் தேதி முதல் செயல்பட்டு வரும் இந்த மருத்துவ மையத்தில் 107 பேர் சிகிச்சை பெற்று வருகின்றனர். 200 க்கும் மேற்பட்டோர் சிகிச்சை பெறும் வகையில் ஏற்பாடு செய்யப்பட்டுள்ளது. இதில் 8 பேர் சிகிச்சை முடிந்து வீடு திரும்பியுள்ளனர். இங்கு ஆக்சிஜன் பயன்பாட்டிற்கும் வழிவகை செய்யப்பட்டுள்ளது. ஆனால் இதுவரை ஆக்சிஜன் பயன்பாடு யாருக்கும் தேவைப்படவில்லை.
தண்டையார்பேட்டை மண்டலத்தில் மொத்த பாதிப்பில் 30 சதவிகிதம் பேர் சிகிச்சை பெற்று வருகின்றனர். 67 சதவிகிதம் பேர் சிகிச்சை முடிந்து வீடு திரும்பியுள்ளனர்.
எஸ்எம்எஸ் என்ற கோட்பாட்டில் சமூக இடைவெளி, முககவசம், கைகழுவதல் போன்றவற்றின் அடிப்படையில் ஊரடங்கு தளர்வை பொதுமக்கள் கடைபிடிக்க வேண்டும். இதை மாணவர்கள் உருவாக்கியுள்ளனர்.
இன்னொரு கொரோனா அலை உருவாக கூடாது என்பதில் கவனமாக பணியாற்றி வருகிறோம்.
உணவே மருந்து அடிப்படையில் சித்த மருத்துவ மையங்களில் உணவு வழங்கப்படுகிறது. தேவைக்கேற்ப சென்னை மட்டுமல்லாமல் தமிழகம் முழுவதும் சித்த மருத்துவ மையங்கள் திறக்க நடவடிக்கை எடுக்கப்படும்.
கொரோனா மட்டுமல்லாமல் அனைத்து நோய்களுக்கு எதிராக உடலில் எதிர்ப்பு சக்தியை உருவாக்க சித்த மருத்துவ முறை பரிந்துரைக்கப்படுகிறது.
பாரம்பரிய மருத்துவ முறையான சித்த மருத்துவ முறையை தமிழக அரசு ஊக்குவித்து வருகிறது.
கொரோனா தற்கொலைகளை தடுக்க தமிழக அரசு முழு வீச்சில் நடைபெற்று வருகிறது. தொற்று உறுதியாகி சில தினங்களுக்குள் நோய் தொற்று உறுதி செய்யப்பட்டால் அவர்களுக்கு பயமில்லாத சிகிச்சை பெற அரசு நடவடிக்கை எடுத்து வருகிறது என அவர் தெரிவித்தார்.
இதில் அதிமுக மாவட்ட செயலாளர் ஆர்.எஸ்.ராஜேஷ், சித்த மருத்துவ டாக்டர் சாய்சதீஷ் ஆகியோர் உட்பட பலர் கலந்து கொண்டனர்.
